23 September 2015

അറബി കച്ചവടം

ഇളം നീല
പതുപതുപ്പുള്ള കമ്പിളി പുതപ്പിനു താഴെ
അവളുടെ,
അടക്കിപിടിച്ച തൃഷ്ണയുടെ
അശാന്തി,
അവനോരോ വട്ടം മാന്തിയെടുത്തപ്പോഴും കമ്പോള നിലങ്ങളിൽ
അവന്റെ ചെമ്പു കാശിന്റെ  തൂക്കം
കൂടുകയായിരുന്നു

ആ മടിശീല കിലുക്കത്തിൽ
കറങ്ങുന്ന അംബരചുംബികളിലും
നീന്തുന്ന മണി സൗധങ്ങളിലും,
തനിക്ക് സ്വന്തമായില്ലാത്ത
സ്ഖലനങ്ങളിൽ പൂത്തുലഞ്ഞ്,
പുറത്തെ കൊടും ചൂടിലും
അഹങ്കാരത്തിന്റെ
ശീതീകരിച്ച മുറികളിൽ
അവൻ
അവളുടെ ആർത്തവ വിരാമം
ആഘോഷിക്കുകയായിരുന്നു.

1 comment: